අකුරු පැහැරගත් ජීවිතය

දස දෙස ඇවිදිමින් 
මිනිසුන් අතර වෙසෙමින්
 හොඳ නරක 
යස අයස 
දකිමින් .....
මුවගින් සිනා හෙලමින් 
සැම සම සිතින් දරමින් 
ඔහේ පාවගිය කාලයට ,
සමුදෙන්න සිදුවෙලා ..........
ආයෙමත් ටික කාලෙකට 
වදන් සවනත වැකුනත්, 
ඒ සප්ත ස්වර නොවේමයි.........
පන්හිඳ දසත දිව්වත් 
එලි දකින්නෙ සිහින මුතු නොවේමයි.... 
හිස් පිටු සියගනන් පිරුනත්
 පත් ඉරුව තවමත් එහෙමමයි.......
මේ මං තනන්නේ
 කාසි කොල සොයන්නට මිස ,
ජීවිතය තනන්නට නොවේමයි.......